Mbështetje për Njësinë e Inteligjencës Financiare (FIU) në transpozimin e acquis të BE-së për parandalimin e pastrimit të parave dhe financimit të terrorizmit në kuadër të Kapitullit 4 të Negociatave të BE-së

Objektivi i përgjithshëm i projektit është të mbështesë Njësinë e Inteligjencës Financiare dhe institucionet e tjera përkatëse shqiptare në harmonizimin e plotë dhe operacionalizimin e kuadrit rregullator të Shqipërisë për parandalimin e pastrimit të parave dhe financimit të terrorizmit me paketën rregullatore të BE-së për AML (Rregullorja (BE) 2024/1624, Direktiva (BE) 2024/1640 dhe Rregullorja (BE) 2023/1113).

Objektivat specifike:

1. Të përgatitet, në bashkëpunim të ngushtë me NJIF, një Paketë Vlerësimi Paraprak gjithëpërfshirës (Analizë e Mungesave Ligjore/ToC dhe RIA paraprake), që përcakton qëllimin, opsionet rregullatore dhe ndikimet e pritshme financiare/buxhetore, ekonomike, sociale/gjinore dhe mjedisore të nismës AML/CFT, në përputhje me acquis përkatëse të BE-së dhe kuadrin ligjor shqiptar.
2. Të zhvillohet një Paketë e Nismës Rregullatore koherente për harmonizimin e akteve ligjore dhe nënligjore shqiptare për AML/CFT me Direktivën (BE) 2024/1640, Rregulloren (BE) 2024/1624 dhe Rregulloren (BE) 2023/1113, duke integruar rekomandimet e FATF dhe MONEYVAL, si dhe duke mbështetur konsultimet dhe koordinimin me palët e interesuara përkatëse.